Poslovne vijesti - Makedonija

Макошпед со 40 илјади евра добивка

Шпедитерската компанија „Макошпед“ во првото полугодие годинава оствари речиси исти приходи од продажба во споредба со истиот период лани.

Според неревидираниот финансиски извештај, првата половина од годинава приходите од продажба бележат пад од 1 отсто во споредба со лани.

Компанијата бележи раст на приходите од продажба на домашниот пазар за 3 отсто, а приходите од продажбата на странските се намалиле за 15 отсто.

Во првите шест месеци, „Макошпед“ ги зголеми расходите од оперативното работење за 3 отсто во споредба со лани, а бележи намалена добивка пред оданочување за 14 отсто во споредба со првото полугодие од минатата година. Зголемување има кај финансиските приходи за 14 отсто, а намалување од 13 отсто кај приходите од вложувања, заеми, камати и курсни разлики во споредба со минатата година.

Нето добивката е за 25 отсто помала од лани и изнесува околу 40 илјади евра.